打咗籃球咁耐，尋日係芊芊人生第三次比賽，4on4最後仲捚到冠軍(感謝有神隊友)，真的超開心！因為佢係細女(同學仔都大佢成年)，所以成日都覺得佢仲成個BB咁！(同學仔都係咁嗌佢) 所以落場打波搶又唔夠人搶，又唔夠主動推一推先郁一郁，仲未習慣自己應該要做咩？所以有陣時都睇到我踩爆個地下！
不過見到你近半年有明顯進步，雙眼感覺到有團火，直至昨天在比賽中，不時鏟籃起手都充信心(雖然個籃不聽話)，最後都真係入咗一球🏀 所以佢同其他隊友真的抵讚！
我諗番自己細個那有參加甚麼甚麼比賽，生活不算艱難已經很辛福了，今天個個小朋友都大大話話有幾廿張紙，而這是芊芊的第一個獎牌。我追的唔係金銀銅，說真的，佢入咗一球得分個陣，我已經覺得佢最後贏唔贏到都唔緊要，因為我一直怕佢會冇信心，次次落場都入唔到波，所以佢今次好有成功感！
雖然我哋呢班在疫情中練少咗好多波追不上師姐，不過我唔會俾自己有藉口，一定要努力練習，之後開學究竟會唔會因為學業打少D? 我唔知，我只知道佢打得開心，而且籃球令佢有方向，我就會繼續同佢一齊行！
尋日比賽完咗，我掛住同佢影相，都唔記得咗自己要同佢合照，所以突然在街想起就隨即拎起手機自拍一張！要來呢一年真係難行，大家一齊努力呀！
#你雖然行得比人慢 #但你可以快得比人快
Search